Miðdeild — HIMA

MIÐDEILD OG MIÐDEILD PLÚS

Miðdeild - 6 dagar!

18. - 23. júní 2024

Miðdeild HIMA býður upp á krefjandi umhverfi fyrir 11-15 ára áhugasama og metnaðarfulla nemendur á fiðlu, víólu og selló. Í ár er sú breyting á miðdeild að einkatímum fjölgar úr fjórum í fimm og allir taka þátt í kammertónlist, til viðbótar við strengjasveit.

Á námskeiðinu fá þátttakendur:

Einkatíma, 5x 45 mín
Kammertónlist, 5x 45 mín
Masterklass
Meðleikstíma með píanista
Strengjasveit undir stjórn Hjartar Páls Eggertssonar
Hádegismat (matur innifalinn) ásamt öllum nemendum og kennurum
Æfingaherbergi á hverjum degi og aðstoð við æfingar
að leika einleiksverk, kammertónlist og í strengjasveit á tónleikum.

Þátttakendur mæta daglega kl 8:00 og fá æfingaherbergi til hádegis. Einkakennsla og kammertónlist fara fram á morgnana. Eftir hádegismat verður strengjasveit, masterklassar og fleira. Kennarar miðdeildar eru þeir sömu og í eldri deild.

Námskeiðinu lýkur með tónleikum þann 23. júní í Hörpu þar sem nemendur leika kammertónlist og í strengjasveit.

Athugið að ekki verður hægt að óska eftir fleiri einkatímum.

Umsækjendur skulu senda upptöku af tveimur ólíkum verkum, minnst 7 mínútur samtals.

Setjið upptökur á streymisíðu, t.d. YouTube og setjið hlekkinn í umsóknina. Ekki er tekið við upptökum sem viðhengi í tölvupósti. Upptaka verður að berast fyrir lok umsóknarfrests, 1. mars.

Námskeiðsgjald: 94.000 kr.
10% systkinaafsláttur

umsóknarfrestur er til 1. mars 2024

NÝTT HJÁ HIMA!

Miðdeild PLÚS - 4 dagar

14. - 17. júní 2024

Miðdeild PLÚS í HIMA er viðbótarnámskeið fyrir þá nemendur sem skráðir eru í Miðdeild en vilja gjarnan vera lengur á námskeiðinu og fá fleiri einkatíma. Miðdeild PLÚS fer fram dagana 14. til 17. júní.

Á námskeiðinu fá þátttakendur (til viðbótar við það sem innifalið er í Miðdeild):

Einkatíma, 3x 45 mín
Æfingaherbergi á hverjum degi og aðstoð við æfingar
Hádegismat (matur innifalinn) ásamt öllum nemendum og kennurum

Þátttakendur mæta daglega kl 8:00 og fá æfingaherbergi fram að hádegismat sem er innifalinn. Kennarar miðdeildar eru þeir sömu og í eldri deild.

Þátttaka í Miðdeild PLÚS er bundin þátttöku í Miðdeild og á umsóknarformi þarf að sækja um í báðar deildir.

Umsækjendur sem sækja einnig um í Miðdeild PLÚS skulu senda upptöku af tveimur ólíkum verkum, minnst 10 mínútur samtals.

Setjið upptökur á streymisíðu, t.d. YouTube og setjið hlekkinn í umsóknina. Ekki er tekið við upptökum sem viðhengi í tölvupósti. Upptaka verður að berast fyrir lok umsóknarfrests, 1. mars.