Eldri deild

Eldri deild HIMA býður upp á krefjandi umhverfi fyrir áhugasama og metnaðarfulla nemendur á fiðlu, víólu og selló, 15 ára og eldri.

Á námskeiðinu fá þátttakendur:

Einkatíma, 7x 45 mín
Kammertónlist, 8x 60 mín af kennslu og spila tvö ólík verk
Masterklass
Meðleikstíma með píanista
Hádegismat (matur innifalinn) ásamt öllum nemendum og kennurum
Æfingaherbergi á hverjum degi og aðstoð við æfingar
Að leika einleik og kammertónlist á tónleikum

Þátttakendur mæta daglega kl. 8:00 og fá eigið æfingaherbergi til hádegis. Einkakennsla og aðstoð við æfingar fara fram á morgnana. Nemendur og kennarar borða saman hádegismat og eftir hádegi taka við æfingar og kennsla í kammertónlist, masterklassar, skipulögð samvera og tónleikar.

Aðhald er mikið á námskeiðinu en auk þess byggir námskeiðið á að hver nemandi:

Æfi sig sjálfur í 4 klst á dag
Æfi ásamt kammerhópnum sínum í 2 klst á dag
Spili á þrennum tónleikum: 1 einleiksverk og 2 kammerverk

Námskeiðinu lýkur þann 23. júní með tónleikum í Hörpu þar sem nemendur leika kammertónlist.

Umsækjendur í eldri deild skulu senda upptöku þar sem þeir leika einn Bach kafla að eigin vali og einn konsertkafla.

Setjið upptökur á streymisíðu, t.d. YouTube og setjið hlekkinn í umsóknina. Ekki er tekið við upptökum sem viðhengi í tölvupósti. Upptaka verður að berast fyrir lok umsóknarfrests, 1. mars.